[prenta uppsett í dálka] 12. fundur, 123. lþ.
Bryndís Hlöðversdóttir (andsvar):
Herra forseti. Já, ég get líkt þessu við verslun í landinu. Mér þætti það ansi alvarlegt ef ríkisstjórn Íslands ætlaði að leggja til að Hagkaup eða Nýkaup fengi einkaleyfi af rekstri matvöruverslana á Íslandi, sérleyfi umfram aðra. Já, ég mundi mótmæla því harðlega.
Hvað það varðar að dreifðir gagnagrunnar séu ekki eins skilvirkir og þeir miðlægu þá er það alveg ljóst: að sjálfsögðu er verið að auka skilvirknina. En við megum ekki gera það á kostnað þeirrar áhættu sem því fylgir að það geti hugsanlega ógnað öryggi einstaklinganna og íslenskra borgara. Út á það gengur þetta.
