Heilbrigðisráðherra (Ingibjörg Pálmadóttir) (andsvar):
Virðulegi forseti. Það trúnaðartraust sem ríkir milli læknis og sjúklings er mjög mikilvægt og er alger grundvallarforsenda og þess vegna hef ég lagt megináherslu á það varðandi gerð þessa frv. að það sé tryggt.
Varðandi aðra þætti sem hv. þm. kom inn á að við værum að afhenda þjóð okkar (ÖJ: Kjörþjóð.) já, og bætir við kjörþjóð, þá minni ég á að engar upplýsingar fara í þennan grunn nema samkomulag náist við viðkomandi heilbrigðisstofnun sem varðveitir gögnin. Það er grundvallaratriði. Það er grundvallaratriði upp á þetta traust sem er nauðsynlegt.