[prenta uppsett í dálka] 15. fundur, 123. lþ.
Svanfríður Jónasdóttir (andsvar):
Herra forseti. Í þessu frv. er ekkert sem kemur í veg fyrir æviráðningu. Það var það sem ég sagði og það verður ekki hrakið. Í núgildandi lögum eru ákvæði sem koma í veg fyrir það. Svo er ekki í þessu frv.
Já, ég trúi því að ráðherra finnist með ólíkindum að ég skuli líta svo á að þetta frv. sé byggðafjandsamlegt. Hann segir: Hér er ekki verið að mismuna. Nei, það voru ekki mín orð að verið væri að mismuna. Ég sagði að ekki væri tekið tillit til. Í frv. er ekki sú stefna sem segir okkur að sérstakur vilji sé fyrir því að leiklistarstarfsemi þrífist víðar en á höfuðborgarsvæðinu. Það kemur ekki fram. Mér finnst, herra forseti, að í orðum hæstv. menntmrh. felist ótrúlegt skilningsleysi á aðstöðumuninum milli höfuðborgarsvæðis og landsbyggðarinnar. Skilningsleysi hans endurspeglast í þessu frv. og í því hvernig hann styður mál sitt.
