Ísólfur Gylfi Pálmason:
Herra forseti. Ég þakka hæstv. félmrh. fyrir svörin. Skólastarf á Laugarvatni skiptir Sunnlendinga og landsmenn alla mjög miklu máli. Í raun styrkir hver skólinn annan á Laugarvatni. Þess vegna er eins og fram hefur komið um mjög brýnt mál að ræða. Starfsemi íþróttakennaraskorarinnar á Laugarvatni má aldrei flytjast til Reykjavíkur. Því er grundvallaratriði að hægt verði að byggja upp nemendagarða á Laugarvatni.
Ég endurtek þakkir mínar til hæstv. félmrh. og ég treysti hæstv. ráðherra best til að berjast fyrir þessu máli með okkur.