Pétur H. Blöndal (andsvar):
Herra forseti. Þetta var mjög góð lesning hjá hæstv. fjmrh. og flest af því góð tíðindi. Ég ætla ekki að reifa það frekar, ég kem inn á það í ræðu á eftir en mig langar til að spyrja hæstv. fjmrh. tveggja spurninga.
Í fyrsta lagi: Hver verður heildarskuldbinding ríkissjóðs vegna lífeyrisskuldbindinga eftir þessar breytingar í árslok?
Í öðru lagi: Hver verða reiknuð vaxtagjöld ríkissjóðs árlega vegna þessara skuldbindinga næstu árin?