[prenta uppsett í dálka] 25. fundur, 123. lþ.
Pétur H. Blöndal (andsvar):
Herra forseti. Ég gat þess að þessar tillögur væru ekki alvondar þó að margt í þeim væru gamlar lummur og gömul úrræði. Þetta er ein af tillögunum sem ég gæti fallist á að væri góð, sérstaklega ef vel tekst til um framkvæmdina. Í tillögunni er gert ráð fyrir því að þátttaka Byggðastofnunar geti mest numið 40% af hlutafé. Ég mundi vilja lækka það niður í 20%, miðað við það sem menn hafa reynt erlendis. En ég hef engu að síður alltaf efasemdir um það að opinbert fé geti komið skynsamlega á þennan hátt inn í áhættumyndun.
En ef menn gæta sín og vanda sig við framkvæmdina á þessu atriði þá er ég ekki alveg viss um að þetta sé slæmt. Sérstaklega ef menn nýta sér þekkingu og reynslu annarra sem stunda nýsköpun.
