[prenta uppsett í dálka] 26. fundur, 123. lþ.
Þórunn H. Sveinbjörnsdóttir:
Hæstv. forseti. Mig langar til að þakka fyrirspyrjanda fyrir þetta og ég tek eindregið undir. Ég hef mikla reynslu af Húsafellssvæðinu í Borgarfirði. Þar eru 120 til 140 orlofshús í eigu ýmissa stéttarfélaga og þar eru fleiri þúsund manns á hverju sumri. Í útvarpi heyrist ekki nema í einstöku svæðum og þá með braki og brestum. Sjónvarp er með sömu annmörkum en þessum úrbótum hefur verið lofað margsinnis og lítils háttar verið litið á þetta en ástandið er óviðunandi þrátt fyrir fjölda athugasemda sem sendar hafa verið til viðkomandi yfirvalda.
