[prenta uppsett í dálka] 40. fundur, 123. lþ.
Ágúst Einarsson:
Herra forseti. Ég sé sérstaka ástæðu til að gera grein fyrir þessari tillögu sem fjallar um auknar fjárveitingar til Kvikmyndasjóðs, um 40 millj. Ég tel að fjölmörg séu sóknarfæri í þessari atvinnugrein. Það er dálítið merkilegt með framlög til Kvikmyndasjóðs af hálfu ríkisins að ríkissjóður fær öll þau framlög aftur til baka. Það er vegna áhrifa m.a. á ferðamannastraum til landsins. Það hefur verið tekið út og sannað að ríkisvaldið hefur haft af því umtalsverður tekjur að hafa aukið framlög sín í Kvikmyndasjóð.
Þess vegna legg ég til, herra forseti, að hér verði gert enn betur og stutt við þessa atvinnugrein sem á mikla framtíð fyrir sér.
