[prenta uppsett í dálka] 41. fundur, 123. lþ.
Forseti (Ragnar Arnalds):
Eins og hv. þingmönnum er kunnugt var gert fundarhlé til þess að gefa formönnum þingflokka tækifæri til að ræða ásamt forseta um þinghaldið, um dagskrána í dag og störf þingsins í dag.
Þessum fundi er lokið. Niðurstaða hans er ósköp einfaldlega sú að það er enn ljósara en áður var að stjórnarflokkarnir leggja áherslu á að það mál sem er á dagskrá verði tekið á dagskrá og rætt í dag og í kvöld. Stjórnarandstaðan hefur mótmælt þessu og vill að málið verði skoðað nánar. Það virðist ekki vera neinn samkomulagsflötur í þessu máli og því er ekki um neitt annað að ræða en að við höldum þingstörfum áfram.
