Heilbrigðisráðherra (Ingibjörg Pálmadóttir) (andsvar):
Virðulegi forseti. Ég er ekki viss um að það sé forgangsverkefni hjá ellilífeyrisþegum og örorkulífeyrisþegum að ganga það skref næst. Þessir hópar hafa bent mér á ýmislegt annað sem að við ættum að taka fyrir næst. En ég endurtek að til að við getum greitt þessar bætur um áramót, þá þurfum við að ljúka málinu fyrir áramót.