[prenta uppsett í dálka] 47. fundur, 123. lþ.
Frsm. meiri hluta fjárln. (Jón Kristjánsson):
Herra forseti. Ég vil þakka fyrir þá umræðu um fjárlög sem hér hefur farið fram. Hún hefur verið málefnaleg og ég hef í rauninni ekki miklu við að bæta og ætla ekki að lengja hana. Erindi mitt var að mæla fyrir þrem brtt. Tvær þeirra varða ákvörðun sem kom upp á borð okkar eftir að búið var að gefa út nál. og ég flyt þær tillögur ásamt Sturlu Böðvarssyni. Sú fyrri er að við 7. gr. komi nýr liður:
,,Að semja við sveitarfélög eða samtök þeirra um uppgjör vegna innlausnar íbúða í félagslega íbúðakerfinu.``
Til að standa undir þessu er lagt til á þskj. 597 að útgjöld samkvæmt heimildarákvæðum hækki um 50 millj. en áður hafði verið gerð brtt. um að hækka þau um 110 millj.
Seinni brtt. er á þskj. 601, við 7. gr. komi nýr liður: ,,Að selja hluta lóðar Ríkisútvarpsins, Efstaleiti 1, Reykjavík.``
