[prenta uppsett í dálka] 47. fundur, 123. lþ.
Guðni Ágústsson (andsvar):
Hæstv. forseti. Hv. þm. sagði að það hefði skort lagastoð. Nú vil ég spyrja hv. þm.: Skorti lagastoð þegar Siglingamálastofnun var flutt í Kópavog? Hafa Bændaskólinn á Hvanneyri og Bændaskólinn á Hólum um aldir verið lagastoðarlausir? Þannig mætti áfram spyrja. Jafnvel mætti spyrja hvort Litla-Hraun sjálft hafi verið ólöglega staðsett á Eyrarbakka alla þessa öld. Ég vil spyrja hv. þm. um álit hans á þessu. Það má jafnvel nefna sýslumenn og skattstofur á landsbyggðinni. (SJS: Sýslumanninn á Hólmavík?) (Gripið fram í: Hvað með hann?) Jafnvel á Húsavík líka.
