Frsm. meiri hluta efh.- og viðskn. (Vilhjálmur Egilsson):
Hæstv. forseti. Ég mæli fyrir nál. frá meiri hluta efh.- og viðskn. við frv. til laga um breyting á lögum um Útflutningsráð.
Markaðsgjald mun falla niður um áramótin ef ekki verður að gert og því mikil þörf á að taka á þessu máli um Útflutningsráð.
Nefndin hefur fjallað um þetta frv. sem liggur hér fyrir og fengið á sinn fund allmargra aðila sem getið er um á þskj. 545. Meiri hluti nefndarinnar gerir tillögu um ákveðna breytingu sem liggur fyrir í nál. Hún er afar einföld og gengur út á að markaðsgjald sem notað er til að fjármagna Útflutningsráð sé frádráttarbært frá tekjum fyrirtækja. Að öðru leyti skýrir frv. sig sjálft.
Nefndin gerir ekki ráð fyrir öðrum breytingum á frv. en fram koma í nál.