[prenta uppsett í dálka] 47. fundur, 123. lþ.
Sigríður Jóhannesdóttir:
Hæstv. forseti. Heyrnar- og talmeinastöð Íslands er lítil stofnun sem gegnir mikilvægu hlutverki fyrir þá 25--30 þúsund einstaklinga á Íslandi sem eiga við heyrnardeyfu að stríða. Þessi stofnun hefur á undanförnum árum því miður ekki getað sinnt vel sínu lögboðna hlutverki vegna þess að hún hefur verið sliguð af uppsöfnuðum halla og gerum við í minni hluta fjárln. tillögu um að þessi halli verði greiddur upp.
