Steingrímur J. Sigfússon:
Herra forseti. Hér sér svona rétt í forsmekkinn á því sem ég trúi að sé í vændum hvað varðar útgjöld okkar vegna svonefnds Schengen-samnings en hér á að leggja til undirbúnings eða upphafs að þátttöku okkar í því verkefni litlar 82,2 millj. kr. þegar hækkun samkvæmt þessari brtt. er lögð við það sem fyrir var í fjárlagafrv. Mér segir svo hugur um, herra forseti, að við eigum eftir að sjá meira af svo góðu á næstu árum og hyggilegast væri að fara ekki út í þessa ófæru. Ég leggst því gegn því að þessi fjárveiting verði samþykkt.