Ferill 109. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 481 — 109. mál.
Breytingartillögur
við frv. til l. um gagnagrunn á heilbrigðissviði.
Frá meiri hluta heilbrigðis- og trygginganefndar (SF, TIO, GHall, SP, GÁ, SAÞ).
1. Við 4. gr. Í stað orðanna „nefnda skv. 6. og 9. gr.“ í 2. málsl. 3. mgr. komi: nefndar skv. 6. gr.
2. Við 6. gr. Á eftir 2. málsl. 2. mgr. komi tveir nýir málsliðir, svohljóðandi: Hún skal gæta hagsmuna heilbrigðisyfirvalda, heilbrigðisstofnana, sjálfstætt starfandi heilbrigðisstarfsmanna og vísindamanna við gerð samninganna. Þar skal m.a. samið um endurgjald rekstrarleyfishafa skv. 4. mgr. 4. gr. og endurgjald í formi aðgangs heilbrigðisstofnana, sjálfstætt starfandi heilbrigðisstarfsmanna og starfsmanna þeirra að upplýsingum úr gagnagrunninum vegna vísindarannsókna.
3. Við 9. gr.
a. 2.–5. mgr. falli brott.
b. Fyrirsögn greinarinnar verði: Aðgengi heilbrigðisyfirvalda að upplýsingum í gagnagrunni á heilbrigðissviði.
4. Við 10. gr. 2. mgr. orðist svo:
Rekstrarleyfishafa skal heimil vinnsla í gagnagrunni á heilbrigðissviði úr þeim heilsufarsupplýsingum úr sjúkraskrám sem þar eru skráðar, enda sé þess gætt við úrvinnslu og samtengingu upplýsinga að ekki sé unnt að tengja þær persónugreinanlegum einstaklingum. Rekstrarleyfishafi skal móta verklag og vinnuferli sem uppfylla skilyrði tölvunefndar til að tryggja persónuvernd við samtengingu upplýsinga úr gagnagrunni á heilbrigðissviði, gagnagrunni með ættfræðiupplýsingum og gagnagrunni með erfðafræðilegum upplýsingum. Um samtengingu upplýsinga í gagnagrunni á heilbrigðissviði við aðra gagnagrunna en fyrrgreinda fer samkvæmt ákvæðum laga um skráningu og meðferð persónuupplýsinga. Óheimilt er að veita upplýsingar um einstaklinga og skal það m.a. tryggt með aðgangstakmörkunum.
5. Við 18. gr. 2. mgr. orðist svo:
Ráðherra skal setja reglugerð um starfsemi nefndar um starfrækslu gagnagrunns á heilbrigðissviði, sbr. 6. gr. og um aðgangstakmarkanir skv. 2. mgr. 10. gr.
