Ferill 340. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 576 — 340. mál.
Nefndarálit
um frv. til l. um breyt. á l. um Útflutningsráð Íslands, nr. 114/1990, með síðari breytingum.
Frá minni hluta efnahags- og viðskiptanefndar.
Minni hlutinn treystir sér ekki til að standa að samþykkt frumvarpsins eins og málið ber að. Ljóst er að ekki hefur tekist að ná samkomulagi um framtíðartilhögun og skipulag starfsemi Útflutningsráðs. Minni hlutinn hefði því talið eðlilegra að framlengja lögin um Útflutningsráð sem minnst breytt en að fara út í þær breytingar sem gera á samkvæmt frumvarpinu. Við bætist svo að auka á gjaldtökuna til að mæta kostnaði við rekstur Fjárfestingarstofu. Er tæpast mjög trúverðugt að hækka gjald sem þó er a.m.k. í orði kveðnu ætlunin að leggja af.
Minni hlutinn mun því sitja hjá við afgreiðslu málsins.
Alþingi, 18. des. 1998.
Steingrímur J. Sigfússon,
frsm.
Ágúst Einarsson.
Svavar Gestsson.
