[prenta uppsett í dálka] 5. fundur, 124. lþ.
Pétur H. Blöndal (andsvar):
Herra forseti. Ég dáist að íhaldssömum viðhorfum hv. þm. Ögmundar Jónassonar. Ég er með tvær spurningar til hans. Er hv. þm. hlynntur núverandi misvægi sem minnkað er verulega í þessum breytingum?
Hv. þm. kom í andsvari áðan inn á að hann teldi að atkvæðamagn ætti að vera háð aðstæðum fólks. Telur hann þá að fátækt fólk, öryrkjar og fatlaðir ættu að hafa meira atkvæðavægi en aðrir?
