Rannveig Guðmundsdóttir:
Herra forseti. Hv. þm. Ásta Ragnheiður Jóhannesdóttir hreyfir þýðingarmiklu máli og dregur fram þá staðreynd sem við hefur blasað í nokkur ár sem er fjárskortur barna- og unglingageðdeildar.
Ég kem til að minna á umræðu um vímuefnamál fyrir tveim, þremur árum og kröfur Alþingis um úrræði. Þá veitti hæstv. heilbrrh. 12 millj. kr. til barna- og unglingageðdeildar sem átti að veita ráðgjöf til foreldra barna í vímuefnaneyslu.
Ég spyr: Hvernig í ósköpunum getur barna- og unglingageðdeild veitt slíka ráðgjöf þegar þar er lokað, t.d. um helgar þegar slík mál koma upp? Hvað hefur gerst í þessum málum? Hvernig er þeim málum háttað sem ráðherra lofaði á sínum tíma en virðast aldrei hafa komið til framkvæmda? Hver er þáttur barna- og unglingageðdeildar í málum barna í vímuefnaneyslu?