Flm. (Pétur H. Blöndal) (andsvar):
Herra forseti. Neðst á síðu 2 í grg. með þáltill. stendur:
,,Í þingsályktunartillögunni er ekki tekin afstaða til þess hvort stjórnunarkerfið eigi að nota heldur er einungis tekið á eignarhaldi á þeim verðmætum sem verða til þegar aðgangur að fiskstofnum er takmarkaður og skilyrði til hagkvæmrar nýtingar sköpuð.``
Sérstaklega er tekið fram að ekki er verið að fjalla um fiskveiðistjórnarkerfið sem slíkt, heldur eingöngu eignarhaldið.
En ég vil spyrja: Hvað sér hv. þm. fyrir sér sem lausn ef Hæstiréttur samþykkir dóm undirréttar í Vatneyrarmálinu?