[prenta uppsett í dálka] 57. fundur, 125. lþ.
Árni Steinar Jóhannsson:
Virðulegi forseti. Ég þakka hæstv. dómsmrh. fyrir greinargóð svör en samt sem áður liggur það á borðinu að það er uggur í brjósti margra heimamanna út af þessum málum. Því væri e.t.v. ástæða til þess að spyrja hæstv. dómsmrh. hvort tillögur lögreglustjóranna séu til komnar vegna þröngrar fjárhagsáætlunar sem var samþykkt í þinginu í desember og hvort þær tillögur, sem hafa nú verið samþykktar og eru uppi á borðinu, séu tillögur sem byggja á því að hæstv. dómrmh. hefur afskipti af málinu og þess vegna séu hlutirnir leiðréttir. Það er mikilvægt varðandi stöðu t.d. annarra umdæma í þessu sambandi.
