[prenta uppsett í dálka] 63. fundur, 125. lþ.
Ögmundur Jónasson (andsvar):
Herra forseti. Ég þakka fyrir ágæta ræðu hv. þm. Ástu Möller. Varðandi skilning hv. þm. á upplýstu samþykki þá held ég að hann sé nokkuð nálægt mínum skilningi, að þennan þátt þyrfti að hafa á.
Mig langar í þessu sambandi að minna á að þingmenn sem standa að Vinstri hreyfingunni -- grænu framboði lögðu á sínum tíma fram þáltill. þess efnis að komið yrði á fót dreifðum grunnum, dreifðum upplýsingagrunnum á heilbrigðissviði sem síðan væri unnt að keyra saman undir vissum kringumstæðum. Allt var það byggt á hugmyndinni um upplýst samþykki.
