Fyrirspyrjandi (Helga A. Erlingsdóttir):
Virðulegi forseti. Ég lýsi ánægju með að hæstv. iðnrh. sé búinn að koma af stað vinnu um þessi mál. Ég legg bara áherslu á að þessum málum verði hraðað sem frekast er unnt --- mér finnst liggja á --- þannig að sem allra flestir sitji við sama borð hvað varðar aðgang að þrífasa rafmagni. Ég þakka allar þær undirtektir sem ég hef fengið hér við þetta mál.