[prenta uppsett í dálka] 71. fundur, 125. lþ.
Jóhanna Sigurðardóttir (andsvar):
Herra forseti. Ég met það svo að við komumst ekki mikið lengra í að fá fram svör frá hæstv. ráðherra við 1. umr. um þetta mál. Engu að síður er mér ljóst að þetta mál þarf að skoða mjög ítarlega í hæstv. efh.- og viðskn., ekki síst með tilliti til stöðu efnahagsmála sem ég er nokkuð hissa á hve hæstv. fjmrh. hefur litlar áhyggjur af. Eins þarf að líta á þetta með tilliti áhrifa þessa á ríkispappíra sem ég hef nefnt í tvígang, t.d. húsbréfin og aukin afföll af þeim og tengslin þar við kaup lífeyrissjóðanna á erlendum hlutabréfum. Hæstv. ráðherra hefur engar áhyggjur af þessu. Ég hef áhyggjur af því og mun ræða málið ítarlega í efh.- og viðskn. og ýmsa þætti sem því tengjast.
