Menntamálaráðherra (Björn Bjarnason):
Herra forseti. Þessir styrkir hafa hækkað um rúmlega 200% á fjórum árum og hefur orðið gjörbreyting á hvað varðar fjárhæðirnar sem úthlutað er. Einnig er að verða mikil breyting á framhaldsskólastiginu með nýjum námskrám og nýrri skipan, auknum möguleikum til fjarnáms og fjarkennslu. Ég hef hug á því að þessar reglur verði endurskoðaðar og að unnið verði að því að þróa þær í samræmi við breyttar kröfur svo að styrkurinn nýtist sem best fyrir þá nemendur sem þurfa á honum að halda.