Drífa Hjartardóttir:
Herra forseti. Ég vil þakka hæstv. félmrh. fyrir svarið. Ég hef orðið mjög vör við áhyggjur manna, sérstaklega þeirra sem eru í ferðaþjónustu, sem standa frammi fyrir því að þurfa að fara í vatnsöflun og leggja vatnsveitur á jörðum sínum, en hafa ekki möguleika til að nýta sér vatnsveitur sveitarfélaganna. En þannig háttar til í dreifbýlinu að oft er æðilangt á milli bæja, oft jafnvel 10--15 km og þá duga nú lítið vatnsveitur í eigu sveitarfélaganna. Ég fagna því þessu sérstaklega og ég veit að bændur og ferðaþjónustuaðilar munu verða mjög ánægðir með svar ráðherra.