[prenta uppsett í dálka] 78. fundur, 125. lþ.
Halldór Blöndal (andsvar):
Herra forseti. Þessi síðustu ummæli hv. þm. voru hálfundarleg, þ.e. þegar hann spurði um kvótakerfið í dag, hvað það væri annað en pólitísk úthlutun. Hv. þm. veit betur en spyrja spurninga af því tagi.
Nú langar mig að spyrja hv. þm.: Ef svo skyldi fara að rækjustofninn stækkaði fyrir norðan, fyndist honum þá réttlátt að Siglfirðingar fengju ekkert af þeirri aukningu? Af ræðu hans var svo að heyra. Kvótakerfið byggir á því að ef stofnarnir minnka þá ber útgerðarmaðurinn tapið. Ef þeir stækka þá fær hann viðbót.
