[prenta uppsett í dálka] 81. fundur, 125. lþ.
Utanríkisráðherra (Halldór Ásgrímsson) (andsvar):
Herra forseti. Ég tel að það sé mikilvægt að fara yfir þetta mál í hv. utanrmn. Ég tel að það sé réttur vettvangur til þess.
Í nefndum samningi stendur að annars vegar skuli íslenskt fyrirtæki hafa hlutdeild í þessum flutningum og hins vegar bandarískt fyrirtæki. Út á það gengur þessi samningur og sá samningur stendur. Það er okkar, íslenskra yfirvalda, að sjá til þess að við þennan samning sé staðið. Við teljum að samningurinn sé ekki framkvæmdur í samræmi við það í dag og það hefur komið skýrt fram af okkar hálfu í þessu sambandi.
Til þess að árétta þann skilning er m.a. tekið fram í frv. hvað teljist vera íslenskt fyrirtæki samkvæmt þeim skilningi sem við höfum alltaf lagt í það mál, ekki bara að því er varðar sjóflutningana heldur þessi samskipti yfirleitt og það er mjög skýrt í frv.
