[prenta uppsett í dálka] 83. fundur, 125. lþ.
Dómsmálaráðherra (Sólveig Pétursdóttir) (andsvar):
Herra forseti. Hv. þm. Sighvatur Björgvinsson spurði á þá leið hvort utanrrh. hefði verið gerð grein fyrir andstöðu í þingflokki sjálfstæðismanna varðandi Schengen-málið. Ég get að sjálfsögðu ekki svarað fyrir hæstv. utanrrh. að öðru leyti en því að um er að ræða tillögu frá ríkisstjórninni sem er fullt samkomulag um. Á því leikur enginn vafi.
