Sighvatur Björgvinsson (andsvar):
Herra forseti. Ég hef að vísu engu við orð hæstv. ráðherra að bæta nema því að við í utanrmn. munum að sjálfsögðu fylgja þessu máli vel eftir og óska eftir góðu samstarfi við hæstv. utanrrh. og ráðuneyti hans um alla þá upplýsingaöflun sem við þurfum að fara í til að komast að sem skynsamlegastri niðurstöðu í þessu máli. Ég ítreka aðeins að okkur finnst sjálfsagt og jákvætt að skoða tillögu hæstv. utanrrh. þó við höfum ekki bundið okkur til að standa með þeim í einstökum atriðum. Okkar niðurstaða mun ráðast af nánari skoðun í utanrmn.