[prenta uppsett í dálka] 87. fundur, 125. lþ.
Utanríkisráðherra (Halldór Ásgrímsson):
Herra forseti. Mér var kunnugt um að verið var að vinna að þeirri skýrslu og embættismenn í utanrrn. vissu um hana. Skýrslan breytir ekki neinu um skoðun mína og okkar í utanrrn. á því að við teljum að Schengen-samstarfið þjóni hagsmunum Íslands og verði til þess að efla veg ferðaþjónustu til lengri tíma litið. Ég og starfsmenn mínir í utanríkisþjónustunni erum einfaldlega ósammála mörgu því sem kemur fram í þessari skýrslu svo það sé á hreinu.
