[prenta uppsett í dálka] 97. fundur, 125. lþ.
Frsm. félmn. (Arnbjörg Sveinsdóttir) (andsvar):
Hæstv. forseti. Hér er um slíka útúrsnúninga að ræða að ég tel ekki ástæðu til að elta ólar við það. Við fjöllum hér um frv. til breytinga á lögum um atvinnuréttindi útlendinga og nál. fjallar um það. Ef við teljum ástæðu til að þingið fjalli um lög sem taka eigi á þessu máli, þá eru það bara önnur lög. Það eru ekki þessi lög. Við erum að fjalla um atvinnuréttindi útlendinga og er þá ekki best að halda sig við það efni? Það er málið hér.
