[prenta uppsett í dálka] 98. fundur, 125. lþ.
Sighvatur Björgvinsson:
Herra forseti. Ákvæði til brb. II í þessu frv. fjallar efnislega um að grípa inn í samningaferli í miðjum klíðum og setja forsendur fyrir forvali verktaka sem ekki voru fyrir hendi þegar til samninga var gengið og koma þannig í veg fyrir að hægt sé að framlengja gerða samninga þó svo ákvæði séu í samningum undirrituð af báðum aðilum fyrir því að framlagningarheimild sé fyrir hendi. Þetta nær ekki nokkurri átt.
Breytingartillaga sú sem hér er verið að greiða atkvæði um er eingöngu á þá leið að mönnum skuli gefast einhver frestur til þess að aðlaga sig að hinum nýju kröfum áður en gengið verður á rétt þeirra. Verði sú tillaga felld munum við greiða atkvæði gegn bráðabirgðaákvæðinu í heild sinni.
