[prenta uppsett í dálka] 103. fundur, 125. lþ.
Guðjón A. Kristjánsson:
Herra forseti. Ég kveð mér hljóðs um störf þingsins af því tilefni að það virðist ekki vera alveg ljóst hjá Ríkisútvarpinu að þingflokkar á Alþingi eru fimm. Vil ég mælast til þess við hæstv. forseta að hann sendi sérstakt bréf til Ríkisútvarpsins um að þannig sé því háttað á hv. Alþingi að þingflokkar eru fimm og að í samræmi við 15. gr. laga um Ríkisútvarpið gæti það fyllstu óhlutdrægni í frjálsri túlkun og dagskrárgerð.
