[prenta uppsett í dálka] 104. fundur, 125. lþ.
Margrét Frímannsdóttir:
Virðulegi forseti. Hér er á ferðinni frv. sem felur í sér töluverðar breytingar hvað varðar landskráningu fasteigna og nýja stofnun þar sem kostnaði er að fullu velt yfir á fasteignaeigendur og þýðir það verulega hækkun. Umsýslugjald Fasteignamats ríkisins, sem frv. gerir ráð fyrir, hækkar úr 50 milljónum í 200 milljónir og þýðir það 8--9% heildarhækkun á gjöldum húseigenda sem grundvallast á brunabótamati. Minni hlutinn, við hv. þm. Jóhanna Sigurðardóttir, leggjumst gegn því að kostnaðurinn af þeirri breytingu, sem hér er verið að koma á, sé að fullu færður yfir á fasteignaeigendur og munum þess vegna ekki greiða atkvæði með þessu frv.
