[prenta uppsett í dálka] 104. fundur, 125. lþ.
Ögmundur Jónasson:
Herra forseti. Það frv. sem við erum að greiða atkvæði um felur í sér ýmsar nauðsynlegar breytingar á lífeyrissjóðalöggjöfinni. Veigamesta breytingin er að lífeyrissjóðum er færð heimild til að fjárfesta erlendis og heimild til kaupa á hlutabréfum er rýmri en verið hefur. Samtök lífeyrissjóða vildu ganga mun lengra en þetta frv. gerir. Vinstri hreyfingin -- grænt framboð vill ganga varlega til verks í þessum efnum og fellst á þá málamiðlun sem þetta frv. felur í sér.
