Hjálmar Jónsson (andsvar):
Herra forseti. Ég lýsti fullu trausti á óbyggðanefnd og úrskurði hennar. Óbyggðanefnd er nánast ígildi sérdómstóls hjá okkur. Hins vegar tók ég dæmi af því að hugsanlega væri í kröfunefnd ríkisins aðili sem hefði slíka hagsmuni. Það sem hefur staðið upp úr í umræðunni úti um landið í þessu efni er að mönnum þykir og mér þykir það sjálfum, að kröfunefnd ríkisins gangi fram með fullmiklum krafti í þessu máli.