Ögmundur Jónasson:
Herra forseti. Þessi tillaga gengur út á að skera á tengslin milli verkalýðssamstakanna annars vegar og lífeyrissjóðanna hins vegar. Það voru verkalýðssamtökin í landinu sem smíðuðu lífeyrissjóðakerfið og þau sem hafa staðið vörð um þetta kerfi þegar að því hefur verið sótt. Þessi tillaga gengur út á að þrengja lýðræðið og skera á þessi tengsl. Ég segi nei.