[prenta uppsett í dálka] 108. fundur, 125. lþ.
Einar K. Guðfinnsson:
Virðulegi forseti. Ég vil með örfáum orðum fagna því að þetta mál er komið svo langt áleiðis. Hér er um að ræða mikið réttlætis- og jafnræðismál sem lýtur að því að afnema sérstakar heimildir sem gilt hafa í lögum um undanþágu fyrir Þróunarsjóð sjávarútvegsins frá því að greiða fasteignagjöld af eignum sem hann á.
Svo háttar til að um er að ræða fasteignir á tveimur stöðum. Hér er hins vegar verið að leggja til almenna breytingu á lögum.
Út af fyrir sig eru engin rök, eins og fram hefur komið, fyrir því að viðhalda þessu ástandi lengur. Þess vegna er mjög ánægjulegt að um þetta mál hafi tekist almenn samstaða í sjútvn.
