[prenta uppsett í dálka] 110. fundur, 125. lþ.
Rannveig Guðmundsdóttir:
Virðulegi forseti. Tillaga okkar er að hugtakið ,,auðlind`` samkvæmt lögum þessum taki til allra ólífrænna og lífrænna auðlinda hafsbotnsins. Það hefur komið fram í umræðunni, og því er tillagan lögð fram, að við teljum að auðlind eigi ekki bara að vera skel eða annað það sem grafið er eftir heldur það sem er að finna á hafsbotninum. Ég hvet til þess að þessi tillaga verði samþykkt.
