Jóhanna Sigurðardóttir:
Herra forseti. Frv. og brtt. meiri hlutans lýsa fyrst og fremst uppgjöf gagnvart þeim vandamálum sem brýnt er að taka á og snerta innherjaviðskipti og meðferð trúnaðarupplýsinga. Þó allt of skammt sé gengið hjá stjórnarliðum til að tryggja eðlileg og traust viðskipti á fjármálamarkaðnum, raunar farið bara hænufet, þá eru ákvæði frv. í sjálfu sér til bóta sem minni hlutinn mun styðja en flytur jafnframt fjölmargar brtt. til þess að styrkja verðbréfamarkaðinn.