[prenta uppsett í dálka] 116. fundur, 125. lþ.
Guðmundur Hallvarðsson:
Herra forseti. Vanhugsun er náttúrlega nokkuð sem menn nota stundum til ámælis. Ég legg þessa tillögu ekki fram að vanhugsuðu máli. Hugsun mín er nákvæmlega sú sama og byggist á sömu rökum og Bandaríkjamenn nota í varnarsamningnum hvað áhrærir sjóflutninga, þ.e. að þeir taka það fram að þeir ætla að bandarísk skip undir bandarískum fána flytji þann hluta sem þeir hafa til umráða í sjóflutningum.
Það nákvæmlega sama er ég að gera. Ef þetta er vanhugsun hjá mér þá hlýtur það að vera algjör vanhugsun hjá heilli þjóð, Bandaríkjum Norður-Ameríku.
