[prenta uppsett í dálka] 117. fundur, 125. lþ.
Frsm. umhvn. (Ólafur Örn Haraldsson):
Virðulegi forseti. Ég vil leyfa mér að mæla fyrir brtt. við það frv. sem er verið að ræða en brtt. er til komin eftir ítarlega skoðun á frv. og þeim tilskipunum sem við tengjum það og sömuleiðis með hliðsjón af núgildandi lögum.
Sú tillaga sem ég vil leyfa mér að leggja fram er efnismálsliður b-liðar 9. tölul. í brtt. en þar er rætt um samspil einstakra þátta í ferlinu. Þar segir, með leyfi forseta:
,,Í matsskýrslu skal tilgreina þau áhrif, uppsöfnuð og samvirk, bein og óbein, sem fyrirhuguð framkvæmd og starfsemi sem henni fylgir kann að hafa á umhverfi.``
Í brtt. sem ég legg fram er gert ráð fyrir að þarna fyrir aftan bætist:
,,og samspil einstakra þátta í umhverfinu.``
