Ögmundur Jónasson (andsvar):
Herra forseti. Það hefur margoft komið fram að með þessu frv. sé kjaramunur gerður sýnilegur. Ef það er staðreynd að kjörin væru metin á 1,5 millj. kr., einhver nefndi núna 2 millj. kr., tuttugufaldur munur og rúmlega þó í kerfinu, þá finnst mér það óásættanlegt. Mér finnst það fullkomlega óásættanlegt og ég samþykki ekki slíkt.
Mér finnst eðlilegt að allir launamenn í landinu greiði skatta. Mér finnst eðlilegt að forsetinn greiði tolla og greiði virðisaukaskatt. Mér finnst ekki eðlilegt að það sé bætt upp með launahækkunum. Ég skrifa ekki upp á slíkt.