[prenta uppsett í dálka] 119. fundur, 125. lþ.
Rannveig Guðmundsdóttir:
Herra forseti. Hæstv. forsrh. Davíð Oddsson sem hefur tekið afdráttarlausa forustu í þessu þingmannamáli fagnaði þeirri samstöðu sem hann las úr afstöðu alþingismanna varðandi það að afnema skattfrelsi forsetaembættisins. Ég vil þess vegna benda á þá afstöðu sem kemur fram í nefndaráliti minni hluta efh.- og viðskn. þar sem minni hlutinn lýsir vanþóknun sinni á því hvernig að þessu frv. er staðið. Öll vinnubrögð og meðferð málsins einkennast af virðingarleysi við forsetaembættið. Það ber að harma að samskipti þjóðkjörins þjóðhöfðingja og Alþingis skuli dregin niður á þetta plan.
Herra forseti. Mér finnst það einstaklega dapurt að enda þinghald þessa vetrar á þessu ólánlega máli og greiði ekki atkvæði.
