[prenta uppsett í dálka] 4. fundur, 125. lþ.
Jóhanna Sigurðardóttir (andsvar):
Herra forseti. Áform Samfylkingarinnar eru um breytta forgangsröðun í ríkiskerfinu. Ekki t.d. að gefa ríkiseigur til fjármagnseigenda og stóreignamanna, þar sem peningarnir eru fyrir, heldur að breyta forgangsröðun í þjóðfélaginu, hvernig við skiptum því sem til skiptanna er. Og þar viljum við láta umhverfismálin fá miklu hærri sess en þessi ríkisstjórn gerir.
