[prenta uppsett í dálka] 7. fundur, 125. lþ.
Guðjón A. Kristjánsson (andsvar):
Hæstv. forseti. Vissulega er það svo að á Vestfjörðum hafa menn rætt um jafnræðið sem hv. þm. Steingrímur Sigfússon nefndi hér áðan en ég hefði talið að rétt væri að fara aftur yfir málin á Vestfjörðum og kortleggja hvernig menn fara í raun að því að tengja Vestfirði með einni gangagerð við þjóðvegi landsins og innbyrðis á milli svæða. Ég held að það sé hægt en menn hafi ekki þorað að hugsa þá hugsun vegna þess að við fengum okkar skammt langt inn á næstu öld í göngum á Vestfjörðum.
