Pétur H. Blöndal:
Herra forseti. Hv. þm. Guðmundur Árni Stefánsson fer mikinn í ummælum um persónu mína. Hann segir að ég sé ekki læs --- eða spyr hvort ég sé læs. Hann segir: Hann var eitt stutt ár í bankaráði Íslandsbanka. Hann segir að ég sé með undarlega innkomu í umræðunum. Og hann segir: Það fór lítið fyrir afrekum.
Ég spyr, herra forseti, hef ég ekki málfrelsi hér á Alþingi? Eru ræður mínar undarleg innkoma í umræðuna? Ég tel svo ekki vera.