[prenta uppsett í dálka] 20. fundur, 125. lþ.
Gunnar Birgisson (andsvar):
Virðulegi forseti. Nú byrjar þessi leikfimi í tölum frá hv. þm. Guðmundi Árna Stefánssyni. Í þessari ágætu árbók stendur að hér sé tekjuafgangur upp á 669 millj. Síðan er fjárfestingin fjármögnuð með afgangi frá rekstri, ekki með lántökum.
Ég vil líka benda á annað, með leyfi hæstv. forseta. Rekstur málaflokka er 62,5% án vaxta. Ef öll sveitarfélög væru með svona góðan rekstur þá væri vandinn kannski ekki svona mikill. En bara til að þingheimur og þeir sem á hlusta viti að þingmaðurinn fari með réttar tölur í málinu þá eru það sem sé 670 millj. í tekjuafgang og síðan kemur fjárfestingin til frádráttar eðlilega.
