[prenta uppsett í dálka] 21. fundur, 125. lþ.
Forseti (Guðmundur Árni Stefánsson):
Þá hefur enn fremur borist eftirfarandi bréf:
,,Ég tilkynni með bréfi þessu að ég get ekki sótt þingfundi frá 8. nóvember til 22. nóvember nk. og óska eftir launalausu leyfi. Ég óska jafnframt eftir að varamaður Frjálslynda flokksins í Vestfjarðakjördæmi taki sæti mitt.
Þar sem Pétur Bjarnason hefur ekki tök á að sitja þing að þessu sinni, samanber meðfylgjandi bréf hans, óska ég eftir að Bergljót Halldórsdóttir, 2. varamaður á lista Frjálslynda flokksins í Vestfjarðakjördæmi, taki sæti mitt og að rannsókn fari fram á kjörbréfi hennar.
Virðingarfyllst,
Guðjón A. Kristjánsson,
formaður þingflokks Frjálslynda flokksins.``
Jafnframt fylgir tilvitnað bréf frá Pétri Bjarnasyni, 1. varaþingmanni Frjálslynda flokksins í Vestfjarðakjördæmi, sem hljóðar þannig:
,,Ég staðfesti með bréfi þessu að ég hef ekki tök á að taka sæti Guðjóns Arnars Kristjánssonar á Alþingi sem 1. varaþingmaður Frjálslynda flokksins í Vestfjarðakjördæmi að þessu sinni þar sem ég er á förum til útlanda í áríðandi erindagjörðum.``
Að ósk forseta hefur landskjörstjórn komið saman og gefið út kjörbréf handa Bergljótu Halldórsdóttur sem er 2. varamaður á lista Frjálslynda flokksins í Vestfjarðakjördæmi.
Jafnframt hélt kjörbréfanefnd fund áður en þingfundur hófst til að fjalla um kjörbréfið.
